Politika e Privatësisë

Si i trajtojmë të dhënat e tua

Kjo politikë shpjegon çfarë të dhënash personale mbledh Gjumza, si i përdor dhe cilat janë të drejtat e tua.

Shitësi Gjumza, NIPT M61825037Q Email kontakti [hello@gjumza.al] Telefon +355 69 882 5888

1.Baza ligjore

Kjo politikë privatësie hartohet në përputhje me Ligjin Nr. 9887, datë 10.03.2008 "Për Mbrojtjen e të Dhënave Personale", i ndryshuar, legjislacionin shqiptar mbi tregtinë elektronike dhe mbrojtjen e konsumatorit, si dhe, kur aplikohet ndaj klientëve nga Bashkimi Evropian, me Rregulloren e Përgjithshme për Mbrojtjen e të Dhënave (GDPR).

2.Cilat të dhëna mbledhim

Mbledhim vetëm të dhënat e nevojshme për të përpunuar porositë dhe për të përmirësuar përvojën tënde me Gjumza:

KategoriaShembuj

Të dhëna identifikueseEmër, mbiemër

Të dhëna kontaktiEmail, numër telefoni, adresë dorëzimi

Të dhëna porosieHistoriku i blerjeve, produktet e preferuara

Të dhëna pagesePërpunohen nga procesorë pagesash të licencuar; ne nuk ruajmë të dhënat e kartës

Të dhëna teknikeAdresa IP, lloji i pajisjes, cookies (shih Seksionin 8)

3.Qëllimi i përpunimit

Për të përpunuar, dërguar dhe menaxhuar porositë e tua;
Për t'u përgjigjur pyetjeve dhe kërkesave për shërbim ndaj klientit;
Për të dërguar njoftime rreth porosisë (konfirmim, dërgesë, kthim);
Për të dërguar komunikime marketingu, vetëm nëse ke dhënë pëlqimin tënd;
Për të përmbushur detyrime ligjore e fiskale;
Për të përmirësuar faqen dhe shërbimet tona.

4.Baza ligjore e përpunimit

Përpunojmë të dhënat e tua bazuar në: ekzekutimin e kontratës së shitblerjes, pëlqimin tënd (p.sh. për buletinin informativ), një detyrim ligjor (p.sh. faturim, kontabilitet), ose interesin tonë legjitim për të mbajtur dhe përmirësuar shërbimin.

5.Me kë i ndajmë të dhënat

Nuk i shesim të dhënat e tua. I ndajmë vetëm me palë të treta të nevojshme për funksionimin e shërbimit:

Kompani kurierësh, për dërgimin e porosive;
Procesorë pagesash, për kryerjen e transaksioneve;
Ofrues të shërbimeve IT dhe hosting;
Autoritete publike, kur kërkohet me ligj.

Të gjithë partnerët tanë janë të detyruar kontraktualisht të ruajnë konfidencialitetin dhe sigurinë e të dhënave.

6.Ruajtja e të dhënave

I ruajmë të dhënat e tua vetëm për aq kohë sa është e nevojshme për qëllimet e përshkruara më sipër, ose siç kërkohet nga legjislacioni fiskal dhe kontabël shqiptar (zakonisht deri në 5 vite për dokumentacionin e shitjeve).

7.Të drejtat e tua

Sipas legjislacionit shqiptar për mbrojtjen e të dhënave, ke të drejtë të:

Kërkosh informacion nëse përpunojmë të dhëna për ty dhe cilat janë ato;
Kërkosh korrigjimin e të dhënave të pasakta;
Kërkosh fshirjen e të dhënave, kur ligji e lejon;
Kundërshtosh ose kufizosh përpunimin;
Tërheqësh pëlqimin për marketing, në çdo moment;
Kërkosh transferimin e të dhënave tek një kontrollues tjetër.

Për të ushtruar këto të drejta, na shkruaj në [privacy@gjumza.com]. Do të përgjigjemi brenda afateve të parashikuara nga ligji.

Nëse mendon se të dhënat e tua nuk janë trajtuar në përputhje me ligjin, mund të paraqesësh ankesë pranë Komisionerit për të Drejtën e Informimit dhe Mbrojtjen e të Dhënave Personale (IDP), www.idp.al.

8.Cookies

Faqja jonë përdor cookies për të kujtuar preferencat e tua, për të analizuar trafikun dhe për të përmirësuar përvojën e blerjes. Mund t'i menaxhosh ose çaktivizosh cookies nga cilësimet e shfletuesit tënd në çdo moment.